ایکینجی درس

"حرفلر ایله الیفبا"

سسلرى یازیدا حرفلرله گؤرسه‌درلر. سسلرى ائشیدیریک و تلفوظ ائدیریک، آمما حرفلرى گؤرۆرۆک و یازیریق. دیلیمیزده 32 سس و اونلارین هر بیرینین بیر حرفى وار. آمما بو 32حرفدن سئوایى یازیمیزدا سککیز علاوه حرف واردیر کى, عرب کلمه‌لرینده ایشله‌نیر. بو حرفلر بونلاردیر: ث-ح-ذ-ص-ض-ط-ظ-ع. بیز بو حرفلرى عربلر کیمى تلفوظ ائتمیریک، بلکه " ث-ص" حرفلرینى " س" کیمى، "ح"  حرفینى  "ه"  کیمى، "ذ-ض-ظ" حرفلرینى معمولى "ز" کیمى، "ط" حرفینى "ت" کیمى و "ع" حرفینى موختلیف یئرلرده " آ-ئ-..." شکلینده تلفوظ ائدیریک.